Masongano na wokovu wa Waisiraeli.

¹Wamenisonga mara nyingi tangu ujana wangu; ndivyo, watakavyosema wao Waisiraeli.

²Wamenisonga mara nyingi tangu ujana wangu, lakini hawakupata kunishinda.

³Walimaji walilima mgongoni kwangu, wakatengeneza kuko huko matuta mazima.[#Yes. 50:6; 51:23.]

⁴Lakini Bwana ni mwongofu, amezikata kamba zao wasiomcha.[#Sh. 2:3.]

⁵Sharti watwezwe na kurudishwa nyuma wote wachukizwao na Sioni!

⁶Sharti wawe kama majani yaliyoko kipaani juu ya nyumba! Miche yao hunyauka ikiwa haijachanua bado.

⁷Hapo mvunaji hawezi kukijaza kiganja chake tu, wala mfunga miganda hapajazi penye kifua chake.

⁸Wapitao wasiseme: Bwana na awabariki! Lakini ninyi tunawabariki katika Jina la Bwana.[#Ruti 2:4.]