Mungu wa Isiraeli ni mfalme wa makabila yote.

¹Makabila yote ya watu, pigeni makofi! Mwimbieni Mungu kwa shangwe na kumpigia vigelegele!

²Kwani Bwana alioko huko juu huogopesha, ni mfalme mkubwa azitawalaye nchi zote.

³Aliteka makabila ya watu, watutii, nazo koo nzima, zituangukie miguuni.

⁴Akatuchagulia fungu, liwe letu; ndilo, mpendwa wake Yakobo ajivunialo.[#Sh. 16:6; 5 Mose 8:7-10.]

⁵Mungu alipaa na kushangiliwa, Bwana ndiye aliyepigiwa baragumu.[#Sh. 68:19.]

⁶Mwimbieni Mungu na kupaza sauti! Mwimbieni mfalme wetu na kupaza sauti!

⁷Kwani aliye mfalme wa nchi zote ndiye Mungu, mwimbieni nyimbo zenye maana![#Sh. 93:1.]

⁸Mungu anawatawala wamizimu nao, Mungu anakaa katika kiti chenye utakatifu wake.

⁹Wakuu wa makabila ya watu wamekusanyika, wawe ukoo wa Mungu wa Aburahamu, kwani ngao za hapa chini ni zake Mungu, ametukuka sanasana.[#Sh. 89:19.]