¹Ninyi akina bwana, wapeni watumishi wenu yaliyo haki na ya adili, mkijua ya kuwa ninyi nanyi mna Bwana mbinguni.[#Efe 6:9; Law 25:43,53]

Maagizo zaidi

²Dumuni sana katika kuomba, mkikesha katika kuomba mkiwa na shukrani;[#1 The 5:17; Efe 6:18; Flp 4:6]

³mkituombea na sisi pia, kwamba Mungu atufungulie mlango kwa lile neno lake, tuinene siri ya Kristo, ambayo kwa ajili yake nimefungwa,[#Rum 15:30; Efe 6:18,19; 2 The 3:1; 1 Kor 16:9]

⁴ili niidhihirishe, kama inipasavyo kunena.[#Efe 6:20]

⁵Nendeni kwa hekima mbele yao walio nje, mkiukomboa wakati.[#Efe 5:15,16; 1 The 4:12]

⁶Maneno yenu yawe na neema siku zote, yakikolezwa chumvi, ili mpate kujua jinsi iwapasavyo kumjibu kila mtu.[#Efe 4:29; Mk 9:50; 1 Pet 3:15]

Salamu za mwisho na baraka

⁷Tikiko, ndugu mpendwa, mtumishi mwaminifu, mwenzi wangu katika Bwana, atawaarifu mambo yangu yote;[#Mdo 20:4; 2 Tim 4:12; Efe 6:21]

⁸ambaye nimemtuma kwenu kwa sababu iyo hiyo, ili mjue mambo yetu, naye akawafariji mioyo yenu;[#Efe 6:22]

⁹pamoja na Onesimo, ndugu mwaminifu, mpendwa, aliye mtu wa kwenu. Hao watawaarifu mambo yote ya hapa petu.[#Flm 1:10-12]

¹⁰Aristarko, aliyefungwa pamoja nami, awasalimu; pamoja na Marko, binamu yake Barnaba, ambaye mmepokea maagizo juu yake; akifika kwenu mkaribisheni.[#Mdo 12:12,25; 13:13; 15:37-39; 18:27; 19:29; 27:2; Flm 1:24]

¹¹Na Yesu aitwaye Yusto awasalimu. Hao tu ndio watu wa tohara miongoni mwa wale watendao kazi pamoja nami kwa ajili ya ufalme wa Mungu; nao wamekuwa msaada kwangu.[#4:11 Katika makala zingine ni Yoshua.]

¹²Epafra, aliye mtu wa kwenu, mtumwa wa Yesu Kristo, awasalimu, akifanya bidii siku zote kwa ajili yenu katika maombi yake, ili msimame mkiwa wakamilifu na kuthibitika kabisa katika mapenzi yote ya Mungu.[#Kol 1:7; Flm 1:23]

¹³Maana namshuhudia kwamba ana juhudi nyingi kwa ajili yenu, na kwa ajili ya hao walioko Laodikia, na kwa ajili ya hao walioko Hierapoli.

¹⁴Luka, yule tabibu mpendwa, na Dema, wanawasalimu.[#2 Tim 4:10,11; Flm 1:24]

¹⁵Wasalimuni ndugu walioko Laodikia, na Nimfa, na kanisa lililo katika nyumba yake.

¹⁶Waraka huu ukiisha kusomwa kwenu hakikisheni kwamba unasomwa katika kanisa la Walaodikia pia; na ule wa Laodikia usomwe na ninyi.

¹⁷Mwambieni Arkipo, Iangalie sana huduma ile uliyopewa katika Bwana, ili uitimize.[#Flm 1:2]

¹⁸Naandika salamu yangu mimi Paulo, kwa mkono wangu mwenyewe. Kumbukeni kufungwa kwangu. Neema na iwe pamoja nanyi.[#1 Kor 16:21; 2 The 3:17]