Neno la faraja kwa Baruku

¹Neno hili ndilo ambalo Yeremia, nabii, alimwambia Baruku, mwana wa Neria, alipoyaandika maneno haya katika kitabu kwa kinywa cha Yeremia, mwaka wa nne wa Yehoyakimu, mwana wa Yosia, mfalme wa Yuda, kusema,[#2 Fal 24:1; 2 Nya 36:5-7; Dan 1:1-2; Isa 50:4; Yer 36:1-4,32]

²BWANA, Mungu wa Israeli, akuambia wewe Ee Baruku;

³Ulisema, Ole wangu! Kwa maana BWANA ameongeza huzuni pamoja na maumivu yangu. Nimechoka kwa ajili ya kuugua kwangu, wala sioni raha.

⁴Basi, mwambie hivi, BWANA asema hivi, Tazama, niliyoyajenga nitayabomoa, na niliyoyapanda nitayang'oa; na haya yatakuwa katika nchi yote.[#Isa 5:5]

⁵Je! Unajitafutia mambo makuu? Usiyatafute; kwa maana tazama, nitaleta mabaya juu ya wote wenye mwili, asema BWANA; lakini roho yako nitakupa iwe nyara, katika mahali pote utakapokwenda.[#Zab 4:6; Mt 6:34; Mwa 6:12; Isa 66:16; Yer 21:9; 38:2]