Elihu alaani haki ya ubinafsi

¹Tena Elihu akajibu na kusema,

²Je! Wewe wadhani kwamba haya ni haki yako,

Au je! Wasema, Ni haki yangu mbele za Mungu,

³Maana wasema, Kutakuwa na faida gani kwako wewe?

Tena, Nitapata faida gani, kuliko nikifanya dhambi?

⁴Mimi nitakujibu,

Na hawa wenzio pamoja nawe.

⁵Ziangalie mbingu ukaone;

Na mawingu yaangalie, yaliyo juu kuliko wewe.

⁶Ikiwa umefanya dhambi, umefanya nini juu yake?[#Ayu 22:2-3]

Ikiwa makosa yako yameongezeka, wamfanyia nini yeye?

⁷Ikiwa u mwenye haki, wampa kitu gani?[#Mit 9:12; Rum 11:35]

Au yeye hupokea nini mkononi mwako?

⁸Uovu wako waweza kumwumiza mtu kama wewe;

Na haki yako yaweza kumfaa mwanadamu.

⁹Kwa sababu ya wingi wa dhuluma wao hulia;[#Kut 2:23; Neh 5:5; Ayu 24:12; Zab 12:5; Lk 18:3-7]

Walilia msaada kwa sababu ya mkono wa wakuu.

¹⁰Wala hapana asemaye, Yuko wapi Mungu Muumba wangu,[#Mhu 12:1; Isa 51:13; 1 Pet 4:19; Zab 42:8; Mdo 16:25]

Awapaye nyimbo wakati wa usiku;

¹¹Atufundishaye zaidi ya wanyama wa nchi,[#Ayu 32:8; Zab 8:6; 1 Yoh 5:20]

Na kutufanya wenye hekima kuliko ndege wa angani?

¹²Hulia huko, lakini hapana ajibuye,[#Mit 1:28]

Kwa sababu ya kiburi cha watu waovu.

¹³Hakika Mungu hatasikia ubatili,

Wala Mwenyezi hatauangalia.

¹⁴Sembuse usemapo wewe ya kuwa humwangalii,

Hiyo kesi i mbele yake, nawe wamngojea!

¹⁵Lakini sasa, kwa sababu yeye hakukujia katika hasira zake,

Wala hauzingatii sana makosa;

¹⁶Ndiposa Ayubu hufunua kinywa chake kwa ubatili;[#Ayu 34:35,37]

Huongeza maneno pasipo maarifa.