Hesabu ya kizazi kipya

¹Ikawa baada ya hilo pigo, BWANA akanena na Musa na Eleazari, mwana wa Haruni kuhani, na kuwaambia,[#Hes 1:1-46]

²Fanya hesabu ya jumuiya yote ya wana wa Israeli, tangu umri wa miaka ishirini, na zaidi, kwa nyumba za baba zao, hao wote katika Israeli wawezao kutoka kuenenda vitani.[#Kut 30:12; 38:25; Hes 1:2]

³Kisha Musa na Eleazari kuhani wakanena nao katika nchi tambarare za Moabu karibu na mto wa Yordani, huko Yeriko, wakawaambia,[#Kum 4:46-49; 34:1]

⁴Fanyeni hesabu ya watu, kuanzia umri wa miaka ishirini, na zaidi; kama BWANA alivyomwagiza Musa na wana wa Israeli, hao waliotoka nchi ya Misri.

⁵Reubeni mzaliwa wa kwanza wa Israeli, wana wa Reubeni; wa Hanoki, jamaa ya Wahanoki; na wa Palu, jamaa ya Wapalu;[#Mwa 29:32; 46:8; 1 Nya 5:1; Ufu 7:5]

⁶na wa Hesroni, jamaa ya Wahesroni; na wa Karmi, jamaa ya Wakarmi.

⁷Hizi ndizo jamaa za Wareubeni; na hao waliohesabiwa kwao walikuwa elfu arubaini na tatu, mia saba na thelathini.

⁸Na wana wa Palu; Eliabu.

⁹Na wana wa Eliabu; Nemueli, na Dathani, na Abiramu. Hawa ndio Dathani na Abiramu waliochaguliwa na mkutano, ambao walishindana na Musa na Haruni katika mkutano wa Kora, hapo waliposhindana na BWANA;[#Hes 16:1,2; 27:3; Kum 11:6; Isa 65:16; Zab 106:17; Yud 1:11]

¹⁰nchi ikafunua kinywa chake, na kuwameza pamoja na Kora, mkutano huo ulipokufa; wakati moto ulipowateketeza watu mia mbili na hamsini, nao wakawa ishara.[#Hes 16:38; 1 Sam 2:34; Ayu 31:3; Zab 145:20; Yer 29:22; 1 Kor 10:6; 2 Pet 2:6; Yud 1:7]

¹¹Hata hivyo, hao wana wa Kora hawakufa.[#Kut 6:24; 1 Nya 6:22; Eze 18:20]

¹²Na wana wa Simeoni kwa jamaa zao; wa Yemueli, jamaa ya Wayemueli; wa Yamini, jamaa ya Wayamini; na Yakini, jamaa ya Wayakini;[#Mwa 46:10; Kut 6:15; 1 Nya 4:24]

¹³wa Sohari, jamaa ya Wasohari; wa Shauli, jamaa ya Washauli.[#Mwa 46:10]

¹⁴Hawa ndizo jamaa wa Wasimeoni, watu elfu ishirini na mbili na mia mbili.

¹⁵Na wana wa Gadi kwa jamaa zao; wa Sifoni, jamaa ya Wasifoni; wa Hagi, jamaa ya Wahagi; wa Shuni, jamaa ya Washuni;

¹⁶wa Ezboni, jamaa ya Waezboni; wa Eri, jamaa ya Waeri;

¹⁷wa Arodi, jamaa ya Waarodi; wa Areli, jamaa ya Waareli.[#Mwa 46:16]

¹⁸Hawa ndio jamaa wa wana wa Gadi kama waliohesabiwa kwao, elfu arubaini na mia tano.

¹⁹Na wana wa Yuda, Eri na Onani; na hao Eri na Onani wakafa katika nchi ya Kanaani.[#Mwa 38:2; 46:12; 1 Nya 2:3]

²⁰Na wana wa Yuda kwa jamaa zao; wa Shela, jamaa ya Washela; wa Peresi, jamaa ya Waperesi; wa Zera, jamaa ya Wazera.[#Mwa 49:8; Ufu 7:5]

²¹Na wana wa Peresi walikuwa; wa Hesroni, jamaa ya Wahesroni; wa Hamuli, jamaa ya Wahamuli.

²²Hawa ndio jamaa wa Yuda kama waliohesabiwa kwao, elfu sabini na sita na mia tano.

²³Na wana wa Isakari kwa jamaa zao; wa Tola, jamaa ya Watola; wa Puva, jamaa ya Wapuva;[#Mwa 46:13; 49:14]

²⁴wa Yashubu, jamaa ya Wayashubu; wa Shimroni, jamaa ya Washimroni.

²⁵Hawa ndio jamaa wa Isakari kama waliohesabiwa kwao, elfu sitini na nne na mia tatu.

²⁶Na wana wa Zabuloni kwa jamaa zao; wa Seredi, jamaa ya Waseredi; wa Eloni, jamaa ya Waeloni; wa Yaleeli, jamaa ya Wayaleeli.[#Mwa 46:14; 49:13]

²⁷Hawa ndio jamaa wa Wazabuloni kama waliohesabiwa kwao, elfu sitini na mia tano.

²⁸Na wana wa Yusufu kwa jamaa zao; Manase na Efraimu.[#Mwa 41:51; 46:20; 48:3,13-20]

²⁹Wana wa Manase; wa Makiri, jamaa ya Wamakiri; na Makiri akamzaa Gileadi; wa Gileadi, jamaa ya Wagileadi.[#Hes 32:39; 36:1]

³⁰Hawa ndio wana wa Gileadi; wa Abiezeri, jamaa ya Waabiezeri; wa Heleki, jamaa ya Waheleki;[#Yos 17:2]

³¹na wa Asrieli, jamaa ya Waasrieli; na wa Shekemu, jamaa ya Washekemu;

³²na wa Shemida, jamaa ya Washemida; na wa Heferi, jamaa ya Waheferi.

³³Na Selofehadi mwana wa Heferi hakuwa na watoto wa kiume, isipokuwa wa kike; na majina ya hao binti za Selofehadi ni haya, Mala, na Nuhu, na Hogla, na Milka, na Tirza.[#Hes 27:1; 36:11; Yos 17:3]

³⁴Hawa ndizo jamaa wa Manase; na waliohesabiwa kwao walikuwa ni elfu hamsini na mbili na mia saba.

³⁵Na wana wa Efraimu kwa jamaa zao; wa Shuthela, jamaa ya Washuthela; wa Beredi, jamaa ya Waberedi; wa Tahathi, jamaa ya Watahathi.[#1 Nya 7:20]

³⁶Na wana wa Shuthela ni hawa; wa Erani, jamaa ya Waerani.

³⁷Hawa ndio jamaa wa wana wa Efraimu kama waliohesabiwa kwao, elfu thelathini na mbili na mia tano. Hao ndio wana wa Yusufu kwa jamaa zao.[#Kum 33:13-17]

³⁸Na wana wa Benyamini kwa jamaa zao; wa Bela, jamaa ya Wabela; na wa Ashbeli, jamaa ya Waashbeli; wa Ahiramu, jamaa ya Waahiramu;[#Mwa 46:21; 1 Nya 7:6; 8:1]

³⁹wa Shufamu, jamaa ya Washufamu; wa Hufamu, jamaa ya Wahufamu.[#Mwa 46:21; 1 Nya 7:12]

⁴⁰Na wana wa Bela walikuwa Ardi na Naamani; wa Ardi, jamaa ya Waardi; wa Naamani, jamaa ya Wanaamani.[#1 Nya 8:3]

⁴¹Hao ndio wana wa Benyamini kwa jamaa zao; na waliohesabiwa kwao walikuwa elfu arubaini na tano na mia sita.

⁴²Na wana wa Dani ni hawa kwa jamaa zao; wa Shuhamu, jamaa ya Washuhamu. Hizi ndizo jamaa za Dani kwa jamaa zao.[#Mwa 46:23; 49:16; Hes 1:38,39; Kum 33:22]

⁴³Jamaa zote za Washuhamu, kama waliohesabiwa kwao, walikuwa elfu sitini na nne na mia nne.

⁴⁴Na wana wa Asheri kwa jamaa zao; wa Imna, jamaa ya Waimna; wa Ishvi jamaa ya Waishvi; wa Beria, jamaa ya Waberia.[#Mwa 46:17; 1 Nya 7:30]

⁴⁵Wa wana wa Beria; wa Heberi, jamaa ya Waheberi; wa Malkieli, jamaa ya Wamalkieli.

⁴⁶Na jina la binti wa Asheri aliitwa Sera.

⁴⁷Hawa ndio jamaa wa wana wa Asheri kama waliohesabiwa kwao, elfu hamsini na tatu na mia nne.

⁴⁸Na wana wa Naftali kwa jamaa zake; wa Yaseeli, jamaa ya Wayaseeli; na wa Guni, jamaa ya Waguni;[#Mwa 46:24; 1 Nya 7:13]

⁴⁹wa Yeseri, jamaa ya Wayeseri, wa Shilemu jamaa ya Washilemu.[#1 Nya 7:13]

⁵⁰Hawa ndio jamaa wa Naftali kwa jamaa zao; na waliohesabiwa kwao walikuwa elfu arubaini na tano na mia nne.

⁵¹Hao ndio waliohesabiwa katika wana wa Israeli, elfu mia sita na moja, mia saba na thelathini (601,730).[#1:46; 2:32]

⁵²Kisha BWANA akanena na Musa, na kumwambia,[#Hes 34:13; Yos 14:1-2]

⁵³Watu hawa watagawiwa nchi hiyo iwe urithi wao, kulingana na idadi yao ilivyo.

⁵⁴Hao waliozidi hesabu yao utawapa urithi zaidi, na hao waliopunguka hesabu yao, utawapa urithi kama upungufu wao; kila mtu kama watu wake walivyohesabiwa, ndivyo atakavyopewa urithi wake.[#Hes 33:54]

⁵⁵Lakini nchi itagawanywa kwa kura; kwa majina ya makabila ya baba zao, ndivyo watakavyopata urithi.[#Hes 34:13; Yos 11:23; 14:2]

⁵⁶Kama kura itakavyokuwa, ndivyo urithi wao utakavyogawanywa kati yao, hao wengi na hao wachache.

⁵⁷Na hao waliohesabiwa katika Walawi kwa jamaa zao ni hawa; wa Gershoni, jamaa ya Wagershoni; na wa Kohathi, jamaa ya Wakohathi; na wa Merari, jamaa ya Wamerari.[#Mwa 46:11; Kut 6:16; 1 Nya 6:1,16]

⁵⁸Hizi ndizo jamaa za Lawi; jamaa ya Walibni, na jamaa ya Wahebroni, na jamaa ya Wamala, na jamaa ya Wamushi jamaa ya Wakora. Na Kohathi alimzaa Amramu.

⁵⁹Na jina la mke wa Amramu aliitwa Yokebedi, binti wa Lawi, ambaye alizaliwa kwake Lawi huko Misri; na huyo Yokebedi akamzalia Amramu Haruni, na Musa, na Miriamu dada yao.

⁶⁰Tena kwake Haruni walizaliwa hawa, Nadabu, na Abihu, na Eleazari, na Ithamari.[#Hes 3:2]

⁶¹Tena Nadabu na Abihu wakafa, hapo waliposongeza moto wa kigeni mbele za BWANA.[#Law 10:1-2; Hes 3:4; 1 Nya 24:2]

⁶²Na hao waliohesabiwa kwao walikuwa elfu ishirini na tatu, kila mwanamume tangu huyo aliyepata umri wa mwezi mmoja, na zaidi; kwa kuwa hawakuhesabiwa katika wana wa Israeli, kwa sababu hawakupewa urithi katika wana wa Israeli.[#Hes 3:39; 1:49; 18:20-24; 35:2-8; Kum 10:9; 14:27-29; Yos 13:14; 14:3]

⁶³Hao ndio waliohesabiwa na Musa na Eleazari kuhani; ambao waliwahesabu wana wa Israeli katika nchi tambarare za Moabu, karibu na Yordani, hapo Yeriko.

⁶⁴Lakini katika watu hao hapakuwa na mtu hata mmoja wa wale waliohesabiwa na Musa na Haruni kuhani; waliowahesabu wana wa Israeli katika bara ya Sinai.[#Hes 1:1; Kum 2:14,15]

⁶⁵Kwa kuwa BWANA alisema juu yao, Hapana budi watakufa nyikani. Napo hapakusalia mtu mmoja miongoni mwao, isipokuwa Kalebu mwana wa Yefune, na Yoshua mwana wa Nuni.[#Hes 14:26-35; Kum 32:49,50; Zab 90:3-8; Rum 11:22; 1 Kor 10:5; Ebr 3:17,18; Yud 1:5; Hes 14:30; 32:12; Kum 1:36,38; Yos 14:10]