GALACIA 4

¹Nguni't sinasabi ko na samantalang ang tagapagmana ay bata, ay walang pagkakaibang anoman sa alipin bagama't siya'y panginoon ng lahat;[#Gal. 3:29.]

²Datapuwa't nasa ilalim ng mga tagapagampon at ng mga tagapangasiwa hanggang sa panahong itinakda ng ama.

³Gayon din naman tayo, nang tayo'y mga bata pa, tayo'y nasasakop ng pagkaalipin sa ilalim ng mga pasimulang aral ng sanglibutan.[#Gal. 2:4; Col. 2:8, 20.]

⁴Datapuwa't nang dumating ang kapanahunan, ay sinugo ng Dios ang kaniyang Anak, na ipinanganak ng isang babae, na ipinanganak sa ilalim ng kautusan,[#Mar. 1:15.; #Juan 1:14; Rom. 1:3.; #Mat. 5:17; Luc. 2:27.]

⁵Upang matubos niya ang nangasa ilalim ng kautusan, upang matanggap natin ang pagkukupkop sa mga anak.[#Gal. 3:13.; #Rom. 8:15; Gal. 3:26.]

⁶At sapagka't kayo'y mga anak, ay sinugo ng Dios ang Espiritu ng kaniyang Anak sa ating mga puso, na sumisigaw, Abba, Ama.

⁷Ano pa't hindi ka na alipin, kundi anak; at kung anak, ay tagapagmana ka nga sa pamamagitan ng Dios.[#Rom. 8:17.]

⁸Gayon man nang panahong yaon, sa hindi ninyo pagkakilala sa Dios, kayo'y nasa pagkaalipin ng sa katutubo ay hindi mga dios:[#1 Cor. 8:4.]

⁹Datapuwa't ngayon yamang nakikilala na ninyo ang Dios, o ang lalong mabuting sabihin , kayo'y nangakikilala ng Dios, bakit muling nangagbabalik kayo doon sa mahihina at walang bisang mga pasimulang aral, na sa mga yao'y ninanasa ninyong magbalik sa pagkaalipin?[#Heb. 7:18.]

¹⁰Ipinangingilin ninyo ang mga araw, at mga buwan, at mga panahon, at mga taon.[#Rom. 14:5; Col. 2:16.]

¹¹Ako'y natatakot tungkol sa inyo, baka sa anomang paraan ay nagpagal ako sa inyo ng walang kabuluhan.[#Gal. 2:2.]

¹²Ipinamamanhik ko sa inyo, mga kapatid, na kayo'y mangagsitulad sa akin , sapagka't ako'y katulad din ninyo. Wala kayong ginawa sa aking anomang kasamaan.

¹³Datapuwa't nalalaman ninyo na dahil sa sakit ng laman, ay ipinangaral ko sa inyo ang evangelio nang pasimula:[#1 Cor. 2:3.; #Gal. 1:6.]

¹⁴At yaong sa inyo'y isang tukso sa aking laman ay hindi ninyo inalipusta, ni itinakuwil man; kundi ako'y tinanggap ninyong tulad sa isang anghel ng Dios, tulad kay Cristo Jesus.[#Mat. 10:40; 1 Tes. 2:13.]

¹⁵Saan nga naroon yaong inyong kapalaran? sapagka't pinatototohanan ko sa inyo, na, kung mangyayari, ay inyong dinukit sana ang inyong mga mata at ibinigay sa akin.

¹⁶Kaya nga ako baga'y naging kaaway ninyo, sa pagsasabi ko sa inyo ng katotohanan?

¹⁷May nangagmamalasakit sa inyo sa hindi mabuting akala; subali't, ang ibig nila ay ihiwalay kayo, upang ipagmalasakit ninyo sila.[#Rom. 10:2.]

¹⁸Datapuwa't mabuti ang ipagmalasakit sa mabuting bagay sa lahat ng panahon, at hindi lamang samantalang ako'y kaharap ninyo.

¹⁹Maliliit kong mga anak, na muli kong ipinagdaramdam sa panganganak hanggang si Cristo ay mabadha sa inyo—[#1 Cor. 4:15; 1 Tes. 2:7.; #2 Cor. 13:5.]

²⁰Datapuwa't, ibig kong makaharap ninyo ako ngayon, at baguhin ang aking tinig; sapagka't ako'y nagaalinlangan tungkol sa inyo.

²¹Sabihin ninyo sa akin, kayong nagsisipagnasang mapasa ilalim ng kautusan, hindi baga ninyo naririnig ang kautusan?

²²Sapagka't nasusulat, na si Abraham ay nagkaroon ng dalawang anak, ang isa'y sa aliping babae, at ang isa'y sa babaing malaya.[#Gen. 16:15.; #Gen. 21:2.]

²³Gayon man ang anak sa alipin ay ipinanganak ayon sa laman; nguni't ang anak sa babaing malaya ay sa pamamagitan ng pangako.[#Rom. 9:7.; #Gen. 17:15, 19; 18:10-14; 21:1.]

²⁴Ang mga bagay na ito'y may lamang talinghaga: sapagka't ang mga babaing ito'y dalawang tipan; ang isa'y mula sa bundok ng Sinai, na nanganganak ng mga anak sa pagkaalipin, na ito'y si Agar.[#Gal. 2:4.]

²⁵Ang Agar ngang ito ay bundok ng Sinai sa Arabia, at ito'y katulad ng Jerusalem ngayon: sapagka't ito'y nasa pagkaalipin kasama ng kaniyang mga anak.[#Gal. 1:17.]

²⁶Nguni't ang Jerusalem na nasa itaas ay malaya, na siyang ina natin.[#Heb. 12:22; Apoc. 3:12; 21:2, 10.]

²⁷Sapagka't nasusulat,

Magsaya ka, Oh baog na hindi nanganganak;

Magbiglang umawit at humiyaw ka, ikaw na hindi nagdaramdam sa panganganak:

Sapagka't higit pa ang mga anak ng pinabayaan kay sa mga anak ng may asawa.

²⁸At tayo, mga kapatid, tulad ni Isaac, ay mga anak sa pangako.[#Gal. 3:29.]

²⁹Datapuwa't kung papaanong yaong ipinanganak ayon sa laman ay nagusig sa ipinanganak ayon sa espiritu, ay gayon din naman ngayon.[#Gen. 21:9.]

³⁰Gayon man ano ang sinasabi ng kasulatan? Palayasin ang aliping babae at ang kaniyang anak: sapagka't hindi magmamana ang anak ng babaing alipin na kasama ng anak ng babaing malaya.[#Gen. 21:10.]

³¹Kaya nga, mga kapatid, hindi tayo mga anak ng babaing alipin, kundi ng babaing malaya.