MGA AWIT 120

Panalangin sa pagliligtas mula sa mga sucab. Awit sa mga Pagsampa.

¹Sa aking kahirapan ay dumaing ako sa Panginoon,[#Awit 118:5; Jon. 2:2.]

At sinagot niya ako.

²Iligtas mo ang aking kaluluwa, Oh Panginoon, sa mga sinungaling na labi,

At mula sa magdarayang dila.

³Anong maibibigay sa iyo, at anong magagawa pa sa iyo,

Ikaw na magdarayang dila?

⁴Mga hasang pana ng makapangyarihan,

At mga baga ng enebro.

⁵Sa aba ko, na nakikipamayan sa Mesech,[#Gen. 10:2; Ezek. 27:13.]

Na tumatahan ako sa mga tolda sa Kedar!

⁶Malaon ng tinatahanan ng aking kaluluwa

Na kasama niyang nagtatanim sa kapayapaan.

⁷Ako'y sa kapayapaan:

Nguni't pagka ako'y nagsasalita, sila'y sa pakikidigma.