MGA AWIT 133

Ang kabutihan ng pagkakaisang parang magkakapatid. Awit sa mga Pagsampa; ni David.

¹Masdan ninyo, na pagkabuti at pagkaligaya

Sa mga magkakapatid na magsitahang magkakasama sa pagkakaisa!

²Parang mahalagang langis sa ulo,[#Ex. 30:23-26, 30.; #Ex. 29:7.]

Na tumutulo sa balbas,

Sa makatuwid baga'y sa balbas ni Aaron.

Na tumulo sa laylayan ng kaniyang mga suot;

³Gaya ng hamog sa Hermon,[#Deut. 4:48.]

Na tumutulo sa mga bundok ng Sion:

Sapagka't doon pinarating ng Panginoon ang pagpapala,

Sa makatuwid baga'y ang buhay na magpakailan pa man.