MGA AWIT 126

¹Nang ibalik ng Panginoon ang mga kayamanan ng Zion,[#126:1 o .]

tayo ay gaya ng mga nananaginip.

²Nang magkagayo'y napuno ang ating bibig ng mga tawanan,

at ang ating dila ng mga awit ng kagalakan,

nang magkagayo'y sinabi nila sa gitna ng mga bansa,

“Ang Panginoon ay gumawa ng mga dakilang bagay para sa kanila.”

³Ang Panginoon ay gumawa ng mga dakilang bagay para sa atin,

kami ay natutuwa.

⁴Ang aming mga bihag, O Panginoon , ay iyong ibalik,[#126:4 o .]

na gaya ng mga batis sa Negeb!

⁵Yaon nawang nagsisipaghasik na luhaan,

ay mag-ani na may sigaw ng kagalakan!

⁶Siyang lumalabas na umiiyak,

na may dalang itatanim na mga binhi,

ay uuwi na may sigaw ng kagalakan,

na dala ang kanyang mga bigkis ng inani.