1Magpasalamat kayo sa Panginoon ,
dahil siyaʼy mabuti.
2Magpasalamat kayo sa Diyos ng mga diyos.
3Magpasalamat kayo sa Panginoon ng mga panginoon.
4Siya lang ang gumagawa ng kahanga-hangang mga himala.
5Sa pamamagitan ng kanyang karunungan,
ginawa niya ang kalangitan.
6Inilatag niya ang lupa sa ibabaw ng tubig.
7Ginawa niya ang araw at ang buwan.
8Ginawa niya ang araw
upang magbigay-liwanag kung araw.
9Ginawa niya ang buwan at mga bituin
upang magbigay-liwanag kung gabi.
10Pinatay niya ang mga panganay
na anak ng mga Ehipsiyo.
11Inilabas niya ang mga taga-Israel sa Ehipto.
12Inilabas niya sila sa pamamagitan
ng kanyang kapangyarihan.
13Hinawi niya ang Dagat na Pula.
14At pinatawid niya
sa gitna nito ang mga taga-Israel.
15Ngunit nilunod niya roon ang Faraon
at ang kanyang mga kawal.
16Pinatnubayan niya ang kanyang
mga mamamayan sa ilang.
17Nilipol niya ang makapangyarihang mga hari.
18Pinatay niya ang mga dakilang hari.
19Pinatay niya si Sihon na hari ng Amoreo.
20Pinatay din niya si Haring Og ng Bashan.
21Ibinigay niya ang kanilang lupain
sa kanyang mga mamamayan bilang pamana.
22At ang lupaing itoʼy naging pag-aari
ng mga mamamayan ng Israel na kanyang mga lingkod.
23Sa ating abang kalagayan,
hindi niya tayo kinalimutan.
24Iniligtas niya tayo sa ating mga kaaway.
25Binigyan niya ng pagkain ang lahat niyang nilalang.
26Magpasalamat tayo sa Diyos na nasa langit.