Mga Awit 8

Kaluwalhatian ng Diyos at Dignidad ng Tao

¹O Yahweh, na aming Panginoon,

sa buong mundo'y tunay kang dakila!

Iyong papuri'y abot sa langit!

²Pinupuri ka ng mga bata't bagong silang,[#Mt. 21:16.]

ikaw ay nagtayo ng isang tanggulan,

kaya't natahimik ang lahat ng iyong kaaway.

³Pinagmasdan ko ang langit na gawa ng iyong kamay,

pati ang buwan at mga bituin na iyong inilagay.

⁴Ano ba ang tao upang iyong pahalagahan;[#Job 7:17-18; Awit 144:3; Heb. 2:6-8.]

o ang anak ng tao upang iyong pangalagaan?

⁵Nilikha mo siyang mababa sa iyo nang kaunti,[#Kar. 2:23; Ecc. 17:1-4.; #5 o kaya'y .]

pinuspos mo siya ng dangal at ng luwalhati.

⁶Ginawa mo siyang pinuno ng lahat ng iyong nilikha,[#1 Cor. 15:27; Ef. 1:22; Heb. 2:8.]

sa lahat ng mga bagay, siya ang iyong pinamahala:

⁷mga tupa at kawan pati na ang mababangis,

⁸lahat ng ibong lumilipad, at mga isda sa karagatan,

at lahat ng nilikhang nasa karagatan.

⁹O Yahweh, na aming Panginoon,

sa buong mundo'y tunay kang dakila!